آرٹس کونسل آف پاکستان، کراچی کے زیر اہتمام ، سترہ سے اکیس نومبر سنہ ۲۰۰۹ ٰ تک دوسری عالمی اردو کانفرسٰ منعقد کی گئی ۔ اپنی نوعیت کی اس عظیم عالمی اردو کانفرنس میں، بنگلہ دیش سےلے کر ایران، متحدہ عرب امارات سےلے کر روس وکینیڈا،برطانیہ، ڈنمارک و جرمنی سے لے کر جمہوریہ چیک تک، امریکھ سے لے کرکئی افریقی ممالک تک کے مندوبین اور اردو ادب و ثقافت سے منسلک، ادیب و شعرا اور دانشوروں اور محققین نے شرکت کی اور اردو کے حوالے سے اپنے اپنے ملک میں ھونے والی پیشرفت،اور اپنے ہاں یونیورسٹیوں اور دیگر تدریسی اداروں میں اردو کی تعلیم و ترویج کے لیے ھونے والی کوششوں اور ان ممالک میں اردو کے ماضی، حال اور مستقبل کے حوالے سے اپنے مقالے پڑھے ۔
آرٹس کونسل آف پاکستان کراچی کی اس عظیم عالمی اردو کانفرنس میں راقم الحروف ، نصر ملک ، کو ڈنمارک کی نمائندگی کرنے کا اعزازحاصل ہوا اور میں نے ٰ ڈنمارک میں اردو اور، ڈینش ادب کے اردو تراجم ٰ کے موضوع پر اپنا مقالھ پیش کیا۔ اس کانفرنس کے حوالے سے چند تصاویر یہاں پیش کر رہا ہوں، جو میرے لیے یادگاری لمحات کی عکاسی کرتی ہیں ۔
